"Hero Zero Trading Strategy: Kam Capital se Bada Profit Banane ka 'Secret' Formula"

Trading mein har beginner ka sapna hota hai ki wo ₹2,000 lagaye aur wo ₹10,000 ban jaye. Isi sapne ka naam hai "Hero Zero Trading Strategy".

Lekin sach baat ye hai ki 90% log "Hero" banne ke chakkar mein apna capital "Zero" kar dete hain. Galti kahan hoti hai? Galti hoti hai Timing aur Lalach mein.

Aaj is post mein, main (Nitin) aapko bataunga ki Hero Zero koi Jua (Gambling) nahi, balki ek Pure Calculation hai. Agar sahi setup mile tabhi trade lena chahiye.

Hero Zero Trade Kya Hota Hai?

Hero Zero ka matlab hai Expiry ke din (Thursday/Tuesday) wo trade lena jab Option Premiums bahut saste hote hain (₹5 se ₹40 ke beech). Agar market mein ek bada move (Gamma Blast) aata hai, toh ye premium 2x, 3x ya 5x 10x 100x bhi ho sakta hai.

Lekin yaad rakhein, agar market side-ways raha, toh ye paisa ZERO bhi ho sakta hai. Isliye ise High Risk, High Reward setup kehte hain.

Mera Hero Zero Setup (The Secret Formula)

Main hawa mein trade nahi karta. Mere Hero Zero setup ke 3 rules hain:

1. Sahi Time (Timing is Everything)

Subah 9:15 par Hero Zero nahi hota. Market ko settle hone dein. Main Hero Zero trade tab plan karta hoon jab time 1:30 PM se 2:30 PM ke beech ho.

• Kyun? Kyunki is waqt Option Sellers apni positions adjust karte hain (Short Covering), jisse market mein ek fast move aata hai.

2. Strike Price Selection

Sabse badi galti log ye karte hain ki wo ₹2 wala option khareed lete hain. Wo kabhi nahi badhega. Aapko hamesha wo Strike Price chunna hai jo ATM (At The Money) ya uske paas ho.

• Example: Agar Nifty 25,500 chal raha hai, toh main 25,500 ya 25,550 ka Call/Put dekhunga jiska premium ₹20 se ₹40 ke beech ho.

3. Capital Management (Paisa Kitna Lagayein?)

Ye sabse zaruri rule hai.

• Hero Zero mein kabhi bhi apni Puri Capital na lagayein.

• Sirf wahi paisa lagayein jo aap Pichle Profit se laye hain.

• Agar aapke account mein ₹50,000 hai, toh Hero Zero mein sirf ₹5000 se ₹15000 ka risk lein. Agar zero hua toh dukh nahi hoga, lekin agar Hero bana toh jackpot lagega.

Hero Zero Fail Kyun Hota Hai?

Zyadatar traders loss karte hain kyunki:

1. Wo Over-trading karte hain (subah se shaam tak 10 trade).

2. Wo Stop Loss nahi lagate (Ya mann mein sochte hain).

3. Wo profit book nahi karte (₹20 ka maal ₹60 ho gaya, phir bhi wait kar rahe hain ₹100 hone ka).

Pro Tip: Hero Zero mein profit fast book karna seekhein. Agar paisa double ho gaya hai, toh aadha profit nikaal lein (Capital Secure karein).

Conclusion

Hero Zero strategy paisa bana kar de sakti hai, lekin tab jab aap discipline ke saath trade karein. Market mein roz Hero banne ki koshish na karein, sirf Expiry aur Sahi Setup ka intezaar karein.

Agar aapko Trading Psychology aur Risk Management detail mein seekhna hai, toh mera pichla article Risk Management in Trading zaroor padhein.